Tilþrifalítið inngrip í aðgerðarleysi

Ja-há. Ekkert bloggað í ríflega viku.
Ekki að það hafi truflað mig en það virðist vera til fólk þarna úti sem lætur það fara mikið í taugarnar á sér ef ekkert nýtt er borið á borð a.m.k. tvisvar á viku. Ég geri þá sjálfsögðu kröfu að "lesandi minn" láti þá í sér heyra endrum og eins og læði inn athugasemdum. Taktu það til þín góði - kommentakerfið virkar víst!

Svo er það tilkynningaskyldan.
Hressó í kvöld (föstudag 11. nóvember) frá 10 - 01. Sváfnir og Halli leika valin númer af vinsældarlistum síðustu aldar.

Myndin er tekin þegar við félagar komum fram á árlegri samkomu áhugamanna um tilfinningagreind spendýra. Þar fluttum við tónlist úr söngleiknum Glitraðu og vertu samkynhneigður eftir Leonard Bernstein í þýðingu Ísidórs Smára við kóreógrafíu eftir listakonurnar Dúrý og Frirrý.

Ég kíkti áðan á Mbl og brá í brún. Fannst í augnablik að Gústav Svíakonungur hefði látið sér vaxa skegg. Kíkið á það...

Njótið helgarinnar.