Hafið kæra þökk

Ég vil nota tækifærið og þakka örlaganornunum fyrir að velja þennan dag, sem daginn sem ég fæ vöðvabólgu í vinstri öxl og hef tekið á mig holningu krypplings. Daginn áður en Menn ársins halda í hljóðver til þess að kúldrast yfir hljóðfærum í annarlegum pósum (ekkert misjafnt - bara fílingur).

Þetta er frekar kaldhæðnislegt, sérstaklega í ljósi þess að ég hef beðið eftir því ansi lengi að þessi helgi rynni upp og hef eytt miklum tíma og orku í að koma þessu saman svo öllum henti. Þakka ykkur fyrir. Írónía ykkar er aðdáunarverð. (Gömlu jussur).

(Það er einstaklega friðandi að fara í hlutverk extróverts og kenna alltaf öðru um það sem aflaga fer. Sjálfsvorkunn upp að vissu marki er líka nauðsynleg).

Annars hlýtur þetta að ganga upp. Fór til apótekarans í morgun og byrgði mig upp af smyrlsum og töflum. Bryð Voltaren Rapid (er það ekki fyrir kanínur?) og og velti mér upp úr Orodis-kremi.

Svo er að bíta á jaxlinn.

Ég get þá alltént svarað eins og íþróttamaður þegar einhver heyrir músakkið og gerir athugasemdir: "Ég var bara meiddur"...

Í kvöld er árshátíð Sinfó. Fer. Verð stutt. Vakna snemma.