Talandi um tvífara

Held að mér hafi loksins tekist að finna hinn fullkomna tvífara Arnars. Hver man eki eftir honum Scooter úr Prúðleikurunum? Jákvæðu hjálparhellunni sem missti aldrei sjónar á lífsgleðinni.

Auk þess að vera sláandi líkir eru þeir báðir harðduglegir og sívinnandi bak við tjöldin, miklir hæfileikamenn sem vilja ekki trana sér í sviðsljósið en eiga það til að blómstra þegar þeir láta það eftir sér að deila talentum sínum með heiminum.

Scooter var aldrei langt undan þegar froskurinn Kermit þurfti á hjálp að halda og mig grunar að því sé eins farið með hann Arnar. Þegar Bjarni óperustjóri, eða aðrir samverkamenn, eru í lægð er ekki ósennilegt að hið hýra og bjarta bros Arnars og jafnvel viskítár á tyllidögum hjálpi til. Heimurinn þarf meira af snillingum eins og þeim, tvíförunum dagsfarsprúðu, Scooter og Arnari.

Góða helgi.