Jólin, já einmitt

Sat hlaðborð jóla ásamt Bifrestingum á föstudag á Hótel Borg. Spilaði merkilega friðsaman frændafótbolta á laugardag, lék með mönnum Ársins á Café Aroma á laugardagskvöld. Hitti erkifélaga mína á sunnudagskvöldi sem hafa ekki náð að vera allir á sama stað á sama tíma í 2 ár. Pólverjarnir halda áfram að fara fimum höndum um steypu, gips, sparsl og sitthvað annað á heimili voru.

Veit ekki hvort að félagi minn úr hljómsveitinni Free Country hafi húmor fyrir myndinni, tek samt áhættuna. Var settur á bið í símtali fyrr í dag og þá fór blýanturinn af stað. Treysti því að hann veiti mér syndaaflausn vegna svika við alþýðuna fyrr en síðar.

Gleðileg jól.