Aflakló

Showmannadagurinn í gær og þess vegna við hæfi að birta þessa mynd í dag. Stal henni af myndasíðunni hennar Þorkötlu frænku og bíð eftir að lögfræðingar hennar banki að dyrum.

Ég veit - sjálfsánægjulegt að birta myndir af sjálfum sér en það er líka ákveðin þjónusta við þá sem eru svo heppnir að sjá mig sjaldan og þufa kannski að minna sig á hvers vegna þeir vilja ekki sjá mig oftar.

Nú... svo er ég bara svo helv.. reffilegur með gulan þorskinn í klónum... nú er Hafró (Berist fram eins og Afró) búið að álykta um minnkandi veiðar. Ég hefði kannski átt að sleppa honum?

Ekki má gleyma því að hún Eva mín á afmæli í dag og eru henni hér með sendar sérstakar og einlægar afmæliskveðjur. Orðin 19 ára... vá... til lukku með daginn elskan mín!